BNGRC: hametraka paikady vaovao iatrehana ny voina voajanahary.

Notanterahina teny amin’ny  Espace Dera Tsiadana ny fivoriana nataon’ny BNGRC niaraka tamin’ireo mpiara- miasa aminy, toy ny PNUD, PAM… Handrafetana ny “Plan de contingeance” na fametrahana paika ady nasionaly iatrehana ny voina voajanahary amin’ny taona ho avy no votoatin’ny atrikasa. Efa nanomboka ny taona 2007 ary mbola mitohy hatramin’izao ny fampiasana azy ity ka isan-taona dia havaozina manaraka ny zava-misy sy ny lesoka.

Hamaritana  ny mety hiseho na vinavina eto amintsika amin’ny faran’ny taona 2015 na ny taona  2016 sy hitadiavana ny  vahaolana no anton’ny fiaraha-miasa. Ankoatra izany, tafiditra tao anatin’ny fandaharana asa ihany koa ny fizarana ireo lesona azo notsoahina natao teo aloha. “Entina hanatsarana ny fomba fiasa amin’ny taona manaraka avy eo ireo lesona ireo”, hoy Thierry VENTY sekretera mpanatanteraky ny BNGRC ahafahana maka toky fa ho voafehy kokoa ny voina mety ho avy.

Nisy ihany koa ny atrikasa niarahana tamin’ny CPGU avy ao amin’ny primatiora, tao amin’ny foiben’ny BNGRC.

Teo ihany koa ny fanavaozana ny « strategie national de gestion de risque et de catastrophe », satria efa tapitra tamin’ny 2008 ny paikady teo aloha, hoy Lt kol  RATSARAHEVITRA sekretera mpanatanteraky ny  CPGU .

“Ny paikadintsika teo aloha, tsy miresaka ny genre na risque emergent mahakasika ny fiovaovan’ny toetra andro dia amin’ity atrika asa ity kosa no andrafetana izany”, hoy izy.

Interview : Thierry VENTY

Interview : Lt kol  RATSARAHEVITRA

Nirina RAKOTOMIARINTSOA