GSDM: Manampy ny tantsaha amin’ny fampiroboroboana ny fambolena.

6
95
Spread the love

Nofaranana tamin’ny alalan’ny atrikasa teny amin’ny Hotel Panorama ny famaranana ny tetikasa novatsian’ny AFD vola. Tetikasa natao hampiroboroboana ny fambolena izy ity. Ny GSDM izay manam-pahaizana amin’ny fampiroboroboana ny fambolena manoloana ny fiovaovan’ny toetry ny andro no nandray an-tanana ny tetikasa nandritra izay folo taona izay.

Ny voly rakotra na teknika hanamorana sy hanatsarana ny fambolena no tena niompanan’ity tetikasa ity. Fambolena zava-maniry mamerina aingana ny tsiron’ny tany ary tsy mila asaina intsony ny tanimboly no atao hoe : voly rakotra. Ohatra amin’izany ny « stylosanthes », « acacia mangium » izay fampiasa amin’ity fomba iray ity.

Ny faritra Vakinakaratra no nanombohana ny tetikasa ary nihitatra tany amin’ny faritra Andrefana – Antsinanana, Alaotra Mangoro,….. Tsy midika ho tapitra hatreo fampiasana ny voly rakotra na dia nifarana aza ny famatsiana. Efa nisy ny fampiofanana ireo tantsaha hiatrehana izany, hoy ny Filohan’ny Filakevi-pitantan ‘ ny GSDM, Jacqueline Rakotoarisoa.

Ankoatra izany, efa nampidirina ao amin’ny politikam-panjakana ity teknika-pambolena ity mba hitohizany hatrany. Marihina fa tantsaha miisa 30 no nahazo tombontsoa tamin’ity tetikasa ity.

Marihana fa niatomboka tamin’ ny taona 2004 ny tetikasa.

Interview : Jacqueline Rakotoarisoa

Nirina R.

VIDEO:

6 Commentaires

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici