FAPBM: Fiarovana ny zava-boary, fizahan-tany maharitra.

0
402
Spread the love

Mifampiankina tanteraka ny fizahan-tany sy ny zava-boary. Ny  fisian’ny zava-boary  mampiavaka ny ny firenena no tena   mandrisika ny mpizahan-tany  hitsidika ireny faritra arovana na valan-java-boary  ireny. Raha tsy misy fiarovana ireo zava-boary na zava-maniry na biby  dia  ho marefo ny sehatry ny fizahan-tany izay anisany mampidi-bola betsaka ho  an’ny firenena.   Izany indrindra no nahatonga ny FAPBM na “Fondation pour les Aires Protegées et la Biodiversité de Madagascar” manohana ara-bola ireo faritra arovana 41 amin’ny 123  eto Madagasikara. Nambaran’ny Tale Mpanatanteraky ny FAPBM, Gérard RAMBELOARISOA fa ny fiarovana maharitra ny zava-boary no hampaharitra ny tontolon’ny fizahan-tany eto Madagasikara. Mpiantsehatra maro no  migoaka ny tombontsoan’izany ka raha lany tamingana ireo zava-boary mahasarika mpizahan-tany ireo dia sehatra maro  ihany koa no  miaraka  fatiantoka.

Mifandraika indrindra amin’ny lohahevitra noraisina  ho an’ny fankalazana ny andro irsaim-pirenena ny zava-boary ny antom-pisian’ny FAPBM.  Mandray anjara amin’ny hetsika fankalazana  ny alatsinainy 22 mai 2017 ity farany.  Ao anatiny fankalzana hatrany, mpiantsehatra  miasa manodidna ny fizahan-tany sy ny fiarovana zava-boary no hampiranty ny momba azy ireo eny amin’ny zaridaina Antaninarenina ny sabotsy 20 may ho avy izao. Ao anatin’izany ny FAPBM.

Tanjon’ny FAPBM ny fisintonana ny mpizahan-tany. Rehefa voaaro tsara ireo zava-boary dia mihodina foana  ny sehatry ny fizahan-tany ary mampiakatra ari-karena  Izany indrindra no mahatonga ny famatsiam-bola  ho an’ireo faritra arovana tsy tapaka.

12 taona nanampiana tamin’ny fiarovana ny faritra arovana sy ny zava-boary,  efa tafakatra  renivola 70 tapitrisa  dolara ny renivola ampiasain’ny FAPBM.

Nirina RAKOTOMIARINTSOA

VIDEO :

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici